فيليبس لوميا|Philips Lumea

تجربتي مع جهاز من اجهزة مايسمى بالليزر المنزلي او المسمى الصحيح لها والعلمي ايضاً (ipl)او اجهزة النبض الضوئي المكثف الي هي كل الاجهزه في السوق بمختلف مسمياتها وماركاتها  ماعدا جهاز تريا دايود ليزر وهو اضعف ليزر لانه الليزر الحقيقي مستحيل يباع في جهاز بهذي الاحجام وينعطى للناس العاديه الي ماعندهم خبره او درايه طبيه ويستخدمونه في البيت وعشان نتفق اسمها الحقيقي اجهزة الiplاو النبض الضوئي المكثف وكثير شركات كانت صريحه في هذا الامر وماقالت في بوكس الجهاز او الكتيب او الموقع الرسمي ليزر مو زي التاجرات والمسوقين🙂

اولاً ليش اخترت شركة فيليبس لانه بكل صراحه لما اشتريت الجهاز قبل خمس سنوات ماكان في الا فيليبس وتريا وجهاز كذا وردي  شكله زي التيلفون ناسيه اسمه قبل هبة 

(الليزر المنزلي)  وترا كلهم نفس الوظيفه بختلاف الماركه وبعض الاضافات الي تخليك تفضلين واحد عن الثاني وترا كلهم ينفعون للجنسين وينفعون كلهم للوبر وللشعر السميك لانهم مو ليزر ابداً فمافي اثر عكسي بزيادة الشعر. 

مميازات فيليبس:

*فيليبس شركه معروفه جداً وقويه ولها وكيلها في السعوديه في اغلب المدن لو صاب الجهاز حاجه لانه ابداً ماكان رخيص كان سعره 3000ريال وشيء وقتها.

 *عدسته حقت الجسم كبيره وهذا شيء عملي  في ازالة الذراع والساق والاماكن الواسعه.

*مايحتاج كل شويه تشترين لمبه وشغله مالها اول من تالي الاصدار حقي يعتبر الثاني او الثالث من هذي الاجهزه من فيليبس sc2003/11في 100 الف ومضه ويستخدم لاكثر من 5اعوام من دون اي استبدال في القطع او شراء قطع.

*ماكنت احتاج اشتريه من اي موقع او محل بعيد اشتريته فعلياً من النهدي الي جنب البيت.

سلبيات فيليبس:

*البطاريه فعلياً سيئة نص ساعه ماادري ربع ساعه من المعالجه او إزالة الشعر وتخلص ولازم ترجعين تشحنين ساعه وشيء وهم عالجوا هذي المشكله في الاصدارات الجديده وصار سلكي ولاسلكي سوى.

*حلقات الامان الي حولين مخرج الوميض مزعجه في بعض الاماكن والاماكن الصغيره زي مفصل اليد او الاصابع او الفك هي لازم تلامس الجسم كلها بالتساوي وتنضغط عشان يبداء الجهاز يطلع الوميض برضه عالجوها في الاصدارات الجديده وصار في سنسر بدل الحلقات المزعجه.

معلومات مغلوطه عن الiplاو(الليزر المنزلي)وتصحيحها:

*خطير ويسبب حروق<<آمن جداً جداً ولايسبب اي حرق مادام البشره مش سمراء سمار افريقي ومشيتي على جدول الدرجات والوان البشره والتعليمات صح.

*تحتاجين نظاره وكريم مخدر وكريم مضاد حيوي<<ابداً ماتحتاجين هذي كلها هو مصمم انه يستخدم منزلياً من دون الحاجه للنظارات ومستحيل يكون بقوة الليزر الي ممكن يسبب مشاكل بصريه لانه هذا ضوء طبيعي مكثف بطريقه معينه عشان يحرق البصيله المه خفيف مو لدرجه المخدر ثلج يفي بالغرض وكريم المضاد مضر على المدى البعيد المفروض مايستخدم من دون استشارة طبيب واكثر من 3 الى سبع ايام.

*بعد كم جلسه يختفي الشعر ولا عد يطلع << باقي ماخترعوا هذا الشيء في الوجود اصلاً اذا الليزر العيادي مايسوي كذا ولازم كل فتره تاخذين جلسه عشان تحافظين انه المنطقه تبقى صافيه ال(ipl)نفس الفكره لو خلصتي الجلسات الاوليه وبعدها وقفتي لاكثر من 3شهور يرجع الشعر زي ماهو الصح تستمرين على الجلسات حتى لو مافي شعر كل4_8اسابيع عشان تحافظين على النتيجه.

اساسيات لازم تعرفينها:

1-قبل الجلسه نشيل شعر الجسم وحتى الوجه بالموس فقط فقط او ببراون رأس حلق مو نتف اذا بتنتفين من الجذر لاتشترين ليزر منزلي ولا تفكرين في العيادي لانه بس خساره كذا لازم البصيله موجوده جوت الجلد لانه هي الي نشتغل عليها.(لاتخافين مافي شيء في الوجود بيكثر شعرك او ينبت لك شعر ثخين الا لخبطت الهرمونات الله يبعدها عنكم)

2-غسل المنطقه المراد معالجتها بالماء والصابون جيداً وخلوها من الكريمات والزيوت عشان ماتتحسس البشره او تحترق.

3-ال6جلسات الاولى كل15يوم جلسه بعدها يصير كل4-8اسابيع للابد عشان نحافظ على النتيجه زيها زي اي ازالة اخرى بس هنا مافي وجع والتهابات وحروق وبصيلات وشعر يطول وننحرج من شكله.

**ملاحظه اي جهاز مهما كان ان شاء الله استشوار اقرأي الكتيب تبعه عشان تاخذين افضل نتيجه عودي نفسك على كذا

تجربتي: 

اول جلسه   مشيت على الاساسيات الي قلت لكم قبل طلع الشعر عادي كأنك حالقه بموس بعد 3ايام مافرق شيء فلا تزعلين عادي كملي.

الثانيه   برضه نفس الحاجه.

الثالثه  صار في اماكن اسحبها تطيح واماكن فضت من الشعر 

الرابعه  الشعر طول على ماطلع واماكن فراغات اليدين او الذارعين ماطلع ابد وصارت صافيه هي والوجه

الخامسه  الاندر ارم والساقين صاروا صافين 

السادسه    ( البكيني خف بنسبة90%وهو اكثر منطقه تاخذ جلسات فالiplعكس ليزر العياده)

ينفع جداً للي عندهم شعر في البطن والظهر

**ملاحظه في تطبيق جميل لجهاز فيليبس لوميا للمتابعه ويسوي لك جدول ويشرحلك طريقة العمل وكل حاجه تصفحيه وممكن تحملينه من المتجر على الايفون والاندرويد 

هل انصح فيه؟!

على حسب هدفك من الجهازه انصح فيه نعم مثلاً لو هدفك بشره ناعمه لاكبر فتره ممكن او ازالة شعر من دون الم ومن الجذور او التخلص من الشعر تحت الجلد او انه ولا وسيله ناسبتك من الوسائل التقليديه اوازالة المناطق الحساسه(الابط والبكيني والوجه بأكثر طريقه فعاله واقل طريقه الم ومشاكل) او انك في مكان مو قادره تروحي عياده مافي عياده كويس غاليه وما الى ذلك لانه حتى الليزر ماتقدري توقفين استخدامه لانه راح يرجع الشعر اذا وقفتي100%من تجربتي ومن تجارب غيري كثير كلام الدعايات حقت العيادات موصح لوعروس بشرط تجيبينه قبل على الاقل ستة اشهر من زواجك وتستخدمينه كل15يوم جلسه لمدة 6او8 جلسات بعدها كل شهر لمدة 3شهور بعدها كل شهرين للابد لا لاتجيبينه لو في بالك انه مافي شعر للابد وراح توقفي الاستخدام ولا راح ينبت.
.
.
.
(يمكنكم ان تتركوا لي تجاربكم في التعليقات)

دمتم بصحه وجمال....💕

***********************

***********************