السلام عليكم ورحمه الله بعد انقطاع طويل عن المدونه << السبب هو غياب الالهام ماابغى اكتب اشياء اي كلام ابغى اكتب شيء يفيد غيري+لخطبه الحياه ومشاغلها >> جيتكم بموضوع مهم وشيق جداً يتكلم عن اهم المواد الفعاله الي تحتويها منتجات العناية والي ضروري اي شخص يعرف نبذه عنها مو بس الصانعين للمنتجات اوالمصانع عشان نعرف نختار الي يناسب مشاكل بشرتنا👍🏻 *ملاحظة بعض مواضيع هذه السلسلة طويله مهما حاولت اختصر لكن ابغى لكم الفائده ويبغالها جلسه على رواق وكوفي ☕ بسم الله نبداء السلسلة باشهر مكون والي عليه ضجه في كم سنه الي فاتت فيتامينC. ماهو فيتامينC: فيتامين سي أو فيتامين ج (Vitamin C) هو فيتامين يوجد في عدد من الأطعمة المتنوعة ويتم بيعه كذلك كمكمل غدائي او دهان موضعي للبشره والجسم والشعر ايضاً كالكريمات واللوشن والامصال . يسمى فيتامين سي أيضا بحمض الاسكروبيك. يعتبر أيضا أحد أنواع الفيتامينات الهامة لصحة الإنسان وبعض أنواع الحيوانات لأنه يساعد على إعادة نمو أنسجة وإنتاج إنزيمات النواقل العصبية. فيتامين سي أيضا مطلوب في أداء العديد من الإنزيمات اللازمة لوظائف الجهاز المنا...
الفراكشنال ليزر او التقشير بالليزر؟
هو عبارة عن جلسة طبيه بحته ولا تعمل الا في العيادات وتحت اشراف طبيب مختص بالبشره يقوم فيها الليزر بإلحاق ضرر او ندب صغيره جداً في الجلد بعد فتره تشفى هذه الندم ويتقشر الجلد القديم ويحفز الكولاجين في الجلد التقنيه مشابه تقريباً للدريما لورل او بن لكن بالليزر.
تجربتي لهذه التقنيه؟
انا بشرتي دهنيه لكن ماكنت اعاني من مشاكل جوهريه ابداً وهي صافيه ومافيها اي مشكله وفي فترة بدايه الجامعه وبدايه ان الانسان يركز بشكل كبيره على مظهره لاحظت انه عنده مسام جداً بسيطه وصغيره على الخدين من جانب الانف وطبعاً في تلك الفتره ماكنت راح اتقبل ولا نص عيب في بشرتي وماكنت مقتنعه انه المسام الواسعه مالها اي علاج لانها طبيعة بشره قرأت عن الاشياء الي ممكن تعالج المسام وياكثر الخرافات الي راح تقولك المسام بتختفي 100%.
رحت عياده بشره وطلبت من الدكتوره فراكشنال طبعاً وافقت وقالت في عرض 6جلسات والسابعه مجاناً بين كل جلسة والاخرى شهر سعر الجلسه 700ريال سعوي هذا قبل تقريباً سنتين مااعرف حالياً كم وصل.
يحطون لك مخدر موضعي على كامل الوجه مدة نصف ساعه وبعدها تبداء الدكتوره بنفسها تضرب بالجهاز على وجهك مو الممرضه بعد ماتلبسين نظاره الليزر المعروفه الالم مولم جداً مع وجود البنج لانه اصلاً ليزر يكون ندب صغيره في البشره نقط تكون شكل مربعات بعد ماتخلص الجلسه الوجه احمر جداً وساخن جداً تحط لك ثلج وكريم مضاد حيوي وتكتب لك كريمات حروق ومضاد تستمري عليهم فتره ممنوع غسل الوجه لمده 8ساعات.
بعد الجلسه بيوم تتكون الطبقه القشريه الغامقه الي زي الحرق الي تتكون عاده بعد اي تقشير عيادي مافي داعي للخوف قشره تقع بعد عشر ايام مع استمرار الترطيب بالكريمات الموصوفه ممنوع سحبها باليد او ازالتها بأي شكل من الاشكال خليها تروح وحدها عشان ماتضرين البشره.
بعد عشره ايام البشره جميله نضره تتقلص المسام لكن بعد السبع جلسات والسبع شهور وبعد سنتين من اخر جلسه احب اقولكم انه المسام ماتروح وبشرتك هي هي والفراكشال علاج وقتي مثلاً عندك مناسبه او ماشابه في حالة الندب الله اعلم مااعرف صراحه انا حالتي مسام وبسيطه جداً فقط.
.
.
.
(يمكنكم ان تتركوا لي تجاربكم في التعليقات)
.
.
.
(يمكنكم ان تتركوا لي تجاربكم في التعليقات)
دمتم بصحه وجمال...💕
***********************
***********************
تعليقات
إرسال تعليق