السلام عليكم ورحمه الله بعد انقطاع طويل عن المدونه << السبب هو غياب الالهام ماابغى اكتب اشياء اي كلام ابغى اكتب شيء يفيد غيري+لخطبه الحياه ومشاغلها >> جيتكم بموضوع مهم وشيق جداً يتكلم عن اهم المواد الفعاله الي تحتويها منتجات العناية والي ضروري اي شخص يعرف نبذه عنها مو بس الصانعين للمنتجات اوالمصانع عشان نعرف نختار الي يناسب مشاكل بشرتنا👍🏻 *ملاحظة بعض مواضيع هذه السلسلة طويله مهما حاولت اختصر لكن ابغى لكم الفائده ويبغالها جلسه على رواق وكوفي ☕ بسم الله نبداء السلسلة باشهر مكون والي عليه ضجه في كم سنه الي فاتت فيتامينC. ماهو فيتامينC: فيتامين سي أو فيتامين ج (Vitamin C) هو فيتامين يوجد في عدد من الأطعمة المتنوعة ويتم بيعه كذلك كمكمل غدائي او دهان موضعي للبشره والجسم والشعر ايضاً كالكريمات واللوشن والامصال . يسمى فيتامين سي أيضا بحمض الاسكروبيك. يعتبر أيضا أحد أنواع الفيتامينات الهامة لصحة الإنسان وبعض أنواع الحيوانات لأنه يساعد على إعادة نمو أنسجة وإنتاج إنزيمات النواقل العصبية. فيتامين سي أيضا مطلوب في أداء العديد من الإنزيمات اللازمة لوظائف الجهاز المنا...
ماهو التقشير؟
هو إزالة الطبقه العلويه التالفه والمتعرضه للضرر من البشره لتظهر طبقه جديده.
انسب وقت للتقشير؟
هو فصل الشتاء (عشان كذا استعجلت في كتابة هذه التدوينه) بسبب برودة الجو واشعة الشمس تكون خفيفه وفي العاده مانتعرض لها كثير فتقل الاعراض الجانبيه (برضه مايكون في مناسبات فما نحتاج انه نحط الميكاب الي يتعارض مع التقشير وخصوصاً الكيميائي والليزر🤓).
اكثر انواع البشرات بحاجه للتقشير بالترتيب؟
1-الدهنيه.
2-المختلطه.
3-العاديه.
4-الجافه.
انواع التقشر؟
اولاً: التقشير المنزلي او الخفيف( الفيزيائي)
نقدر نستخدمه في البيت اوالصالون بكل سهوله ولا يحتاج لاستشارة طبيه يتم بحتكاك الماده او الليفه المخصصه بالبشره بشكل دائري من دون عنف او قوه عشان ماتتضرر البشره وتتخدش الافضل يستخدم مرة الى مرتين كل اسبوع فقط.
*يدخل فيه الحمامات المغربيه لكن الحمام المغربي ابداً مو حق كل اسبوع الافضل مره كل شهر او 15يوم حتى ماتتلف البشره وتتصبغ من الاحتكاك وترا ابد مايبيض ولا يغير لونك لا احد يضحك عليكم.
انواعه او اشكاله:
*اسكراب او مقشر: ممكن نشتريه جاهز زي العلب الي في كل مكان صيدليات واماكن تجميل وصالونات وممكن يصنع في البيت له قوامين كريمي وزيتي وافضل الكريمي لاصحاب البشره الدهنيه+المختلطه والزيتي للجافه+العاديه.
*فرش او ليفات المصنوعه من الليف الطبيعي تستخدم اما جافه او رطبه والجافه لها طريقه جداً جميل ممكن اعلمكم عليها لاحقاً
*القفازات والليفه الخاصه بالاستحمام الي مصنوعه من قماش خش مو الليفه الورده الي تجي مع الشور جل اتمنى فهمتوني.
ثانياً: التقشير العيادي او بالكريمات( الكيميائي)
يستخدم في العيادات فقط ولو كان كريمات لازم عند استخدامه في البيت نستخدمه بحذر جداً يكون بوضع الماده السائله المقشره على البشره وتركها لبضع دقائق وازالتها عدم التعرض للماء لساعات او بوضع الكريم ليلاً وغسله صباحاً وقته حسب الحاجه وتعليمات الطبيب.
انواعه او اشكاله:
*المحاليل السائله وعاده لاتستخدم الا تحت اشراف طبي وحسب تعليمات الطبيب تحتاج فترة نقاهه 7ايام لانها تكون طبقه حمراء (زي الحرق)على الوجه لا يمكن الخروج بها من المنزل وتتقشر خلال ايام بين الجلسه والاخرى شهر.
*الكريمات يصرفها الطبيب للمريض ويستخدمها منزلياً تستخدم يومياً او يوم بعد يوم توضع في الليل في غرفه لا يوجد فيها ضوء قبل النوم وتغسل صباحاً لاتحتاج فترة نقاهه لاتسبب طبقه حمراء مجر قشور بيضاء صغيره وجفاف.
ثالثاً:التقشير بالليزر ويستخدم في العيادات فقط وتحت اشراف طبي يحتاج فترة نقاهه لانه يكون الطبقه الحمراء التي تتقشر في بضع ايام بين الجلسه والاخرى شهر تقريباً.
فوائد التقشير:
°ازالة القشور البيضاء من الجلد.
°اعطاء البشره نضاره ولمعه.
°ازالة انغراس الشعر تحت الجلد والتحسين من ملمسه.
°علاج البقع اللونيه الناتجه عن التصبغات الخاصه بحب الشباب والحروق والجروح القديمه التقشير الكيمائي غالباً.
°يجدد الطبقه العليا من البشره.
خرفات عن التقشير:
•يعالج الندوب.
•يعالج المسام.
•يعيد شباب البشره ويزيل التجاعيد.
•يبيض.
.
.
.
(يمكنكم ان تتركوا لي تجاربكم في التعليقات)
.
.
(يمكنكم ان تتركوا لي تجاربكم في التعليقات)
دمتم بصحه وجمال...💕
***********************
***********************
تعليقات
إرسال تعليق