السلام عليكم ورحمه الله بعد انقطاع طويل عن المدونه << السبب هو غياب الالهام ماابغى اكتب اشياء اي كلام ابغى اكتب شيء يفيد غيري+لخطبه الحياه ومشاغلها >> جيتكم بموضوع مهم وشيق جداً يتكلم عن اهم المواد الفعاله الي تحتويها منتجات العناية والي ضروري اي شخص يعرف نبذه عنها مو بس الصانعين للمنتجات اوالمصانع عشان نعرف نختار الي يناسب مشاكل بشرتنا👍🏻 *ملاحظة بعض مواضيع هذه السلسلة طويله مهما حاولت اختصر لكن ابغى لكم الفائده ويبغالها جلسه على رواق وكوفي ☕ بسم الله نبداء السلسلة باشهر مكون والي عليه ضجه في كم سنه الي فاتت فيتامينC. ماهو فيتامينC: فيتامين سي أو فيتامين ج (Vitamin C) هو فيتامين يوجد في عدد من الأطعمة المتنوعة ويتم بيعه كذلك كمكمل غدائي او دهان موضعي للبشره والجسم والشعر ايضاً كالكريمات واللوشن والامصال . يسمى فيتامين سي أيضا بحمض الاسكروبيك. يعتبر أيضا أحد أنواع الفيتامينات الهامة لصحة الإنسان وبعض أنواع الحيوانات لأنه يساعد على إعادة نمو أنسجة وإنتاج إنزيمات النواقل العصبية. فيتامين سي أيضا مطلوب في أداء العديد من الإنزيمات اللازمة لوظائف الجهاز المنا...
بما انه الاختبارات النهائيه على الابواب حبيت انزل هذي التدوينه.
التعليم والتحصيل والانجاز من اهم الاشياء في حياة الفرد الي ممكن يحقق من خلالها احلامه وطموحاته ويبني بيدينه بلده ويكون فخر لاهله اولاً ثم لوطنه.
خلونا نكون متفقين على شيء واحد انه العلم والتعليم مايوقفون عند سن معين او بعد مرحله تعليميه معينه وانه حتى الممات.
نقاط مهمه لازم يعرفها كل طالب في اي مرحله كانت مستواك مو نفسه في كل المواد او المقررات بسبب عوامل عده لكن هذا مو رادع انك تحاول تبدع في الماده او المقرر الي مسبب لك ازمه بزياده الجهد والتركيز عليه اثناء المذاكره.
حالياً الدنيا تطورت كثير وماصار الطالب مربوط بشرح معلمه وان كان جيد ابدع الطالب وان كان سيء تدهور حاله وصار يدور المدرسين الخصوصيين زي قبل ستة سنوات لانه في منصات مخصص تساعدك على المذاكره وانك تشوف شرح الدرس من اكثر من شخص زي اليويتوب ووسائل التواصل الجتماعي وقوقل وتطبيقات الجوال زي حلول وكتبي وغيرها الكثير الي تفيد الطالب وولي الامر الي بيذاكر له لو صغير وبرضه المعلم.
المذاكره والتحصيل تبداء من اول يوم دراسي وشيء تراكمي الى نهاية السنه ماتجين في اخر السنه وتقولين بذاكر واجيب معدل؟!!
نصائح اتبعيها من اول يوم دراسي راح تفيدك كثير:
◇تنظيم النووووم اولاً وقبل كل شيء 8ساعات نوم في اليوم.
◇تحديد وقت للمذاكره كل يوم مايقل عن ساعتين تتخللها بريكات.
◇حل جميع الواجبات والمشاريع والبحوث اولاً باول.
◇استذاكر الدرس السابق+قراءة الدرس الجديد.
◇المشاركه الفعال داخل الفصل او القاعه.
اشياء تجنبها:
◇اي شخص يحيطك بالسلبيه والاحباط والتشاؤم تجنبيه.
◇لاترمين فشلك لاي شخص اخر وتحملي مسؤولية نفسك.
◇لاتأجلين.
◇لاتغيبين بكثره.
◇لاتضيعين وقتك في امور غير مهمه او انترنت اوبلاستيشن.
قبل الاختبارات النهائيه بفتره كافيه:
◇تاكدي من تسليم جميع واجباتك ومشاريعك وبحوثك.
◇رتبي لك جدول للاستذاكر خفيف وسهل
وابدأي افعلاً فيه.
◇اذا مو احابه المذاكره قبل الاختبار بفتره ممكن تقتصرين على المواد او المقررات الصعبه عليك والي كانت درجات فيها مش ولابد في النصفي.
وقت الاختبارات النهائيه:
◇ممنوع التوتر والتشاؤم.
◇تأكدي اي الماده او المقرر الي عليك اختبارها بكره.
◇قسمي الكتاب او المقرر لاجزاء وبين كل جزء وجزء فترة راحه او بريك.
◇ذاكري حسب نمطك ايش يعني؟ يعني لو نمطك سمعي تقرأين بصوت شوي عالي عشان تفهمين ولو بصري لازم تشوفين الكلمات والمخططات والرسوم والخرائط ولو حركي ممكن تمشين تكتبين حسب الي تحبين والي تفهمين فيه اكثر .
◇يوم الاختبار توكلي على الله وايقني انه راح يسهله لك جهزي اغراضك الي تحتاجينها داخل القاعه.
◇لاتراجعين قبل الاختبار بدقائق او بعده
◇الاجابه الاولى غالباً صحيحه لاتغيرينا الا لو تأكدتي انها غلط.
بالتوفيق لكل الطلاب
.
.
.
(يمكنكم ان تتكروا لي تجاربكم في التعليقات)
دمتم بصحه وجمال💕
***********************
***********************
تعليقات
إرسال تعليق